Namizədlər üçün tələblər:
- Pedaqoji ixtisas üzrə ali təhsil;
- 5 ildən az olmayaraq pedaqoji staj;
- Hazırda ümumitəhsil müəssisəsində pedaqoji fəaliyyət göstərmək.
Vakant olan direktor vəzifələrinə müraciət edən namizədlər aşağıda qeyd olunan sənədləri 03-14 noyabr 2022-ci il tarixləri arasında Qarabağ Regional Təhsil İdarəsinin müvafiq rayon üzrə təhsil sektoruna təqdim etməlidirlər:
- kadrlar uçotunun şəxsi vərəqəsi;
- şəxsiyyəti təsdiq edən sənədin əsli və surəti;
- əmək kitabçasının çalışdığı müəssisənin rəhbərliyi tərəfindən təsdiq olunmuş surəti;
- ali təhsil haqqında sənədin və əlavənin surəti.
Şagird sayı 150-dək olan məktəblər üzrə müraciət edən namizədlərlə birbaşa müsahibə təşkil ediləcək.
Şagird sayı 151-500 arası olan məktəblərə müraciət edən namizədlərlə əvvəlcə test imtahanı, həmin mərhələdən uğur qazanmış namizədlərlə müsahibə təşkil ediləcək. 2022-ci ildə keçirilmiş direktor vəzifəsinə işə qəbul üzrə müsabiqənin test imtahanı mərhələsində uğur qazanmış namizədlər cari müsabiqədə test imtahanından azad olunur,birbaşa müsahibə mərhələsinə dəvət olunurlar.
Müsahibə zamanı yoxlanılacaq meyarlar:
- vəzifə üzrə nəzəri biliklər;
- idarəetmə bacarıqları;
- şəxsi keyfiyyətlər.
Qarabağ Regional Təhsil İdarəsi üzrə vakansiyalarla aşağıda qeyd olunan linkdən tanış ola bilərsiniz.