Azərbaycanın Milli Qəhrəmanı S.Behbudov adına şəhər 6 saylı tam orta məktəbdə Bərdə rayon Gənclər və İdman idarəsinin və Təhsil şöbəsinin birgə təşkilatçılığı ilə rayonun orta məktəb şagirdləri arasında ”Azərbaycan deyəndə” mövzusunda şeir müsabiqəsi keçirilmişdir. Müsabiqədə 8 şəhər və 1 kənd məktəblərindən 27 nəfər şagird iştirak etmişdir. Müsabiqənin yüksək səviyyədə keçirilməsi və qaliblərin müəyyən edilməsi üçün aşağıdakı tərkibdə münsiflər heyəti təyin edilib:

1. Avtab Cəbrayılova - Gənclər və İdman idarəsinin aparıcı-məsləhətçisi - sədr

2.Sədiqə Vəliyeva - Təhsil şöbəsinin metodisti - üzv 

3.Sevil Məmmədova - Təhsil şöbəsinin metodisti - üzv            

Azərbaycan Respublikasının Dövlət Himni oxunub. Torpaqlarımız uğrunda şəhid olanların əziz xatirəsi bir dəqiqəlik sükutla yad edilib. Tədbiri giriş sözü ilə məktəbin direktoru Elşad Məmmədov açıb. Məktəbin şagirdləri hazırladıqları ədəbi-bədii kompozisiyanı təqdim ediblər.

Bərdə rayon Gənclər və İdman idarəsinin rəis müavini Aydın Qasımov və Təhsil Şöbəsinin metodisti Sədiqə Vəliyeva müsabiqə iştirakçılarını təşkilatçılar adından qarşıdan gələn bayram münasibəti ilə təbrik ediblər. Qaliblərə təşkilatçılar tərəfindən hazırlanmış müvafiq dərəcəli diplomlar təqdim edilib.