Oktyabr ayının 9 və 10-da Bərdə Rayon Təhsil Şöbəsinin təşkilatçılığı ilə məktəblərin internet resurslarının idarə edilməsi mövzusunda maarifləndirici tədbir keçirilib.

               Bərdə RTŞ-nin iclas zalında keçirilən tədbirdə məktəblərin rəsmi Facebook səhifələrinin fəaliyyətinin səmərəliliyinin artırılması, bu sahədə təcrübə mübadiləsinin genişləndirilməsi və təhsil müəssisələrinin həyatındakı yeniliklərin ictimaiyyətə daha operativ çatdırılması barədə söhbət aparılıb.

         Qeyd edək ki, məktəblərin rəsmi Facebook səhifələrində  yerləşdirilən xəbərlərin, eləcə də məktəbə aid digər məlumatların yenilənməsi və dolğunluğu RTŞ tərəfindən mütəmadi olaraq izlənilir.