Oktyabrın 19-da Muğanlı kənd tam orta tam orta məktəbdə şəhid Mirzəyev Elzamin Sakit oğlunun doğum gününə həsr edilmiş "Şəhidlər ölməz” adlı anım tədbiri keçirilib. 

               Anım tədbirində rayon təhsil şöbəsinin əməkdaşları, şəhidin yaxınları, məktəbin müəllim və şagird kollektivi iştirak edib. 

        Tədbirin keçirilməsində məqsəd məktəblilərdə milli vətənpərvərlik ruhunun yüksəldilməsinə yardımçı olmaq, məktəbliləri Azərbaycanın qəhrəman oğulları haqqında ətraflı məlumatlandırmaq olub.

            Şəhidlərin xatirəsi bir dəqiqəlik sükutla yad edildikdən sonra məktəbin direktoru Zülfüqar Əsədov çıxış edib və  şagirdlərə Elzamin Mirzəyevin keçdiyi həyat yolundan danışıb.

            Tədbirin sonunda şagirdlərin ifasında Elzamin Mirzəyevə həsr edilmiş bədii kompozisiya, eyni zamanda şeir və mahnılar səsləndirilib.