Oktyabrın 30-da Bərdə Rayon Təhsil Şöbəsi Metodiki Xidmət Mərkəzinin təşkilatçılığı ilə “Mehdi Hüseynzadə və gənclərin vətənpərvərlik tərbiyəsi" mövzusunda  konfrans keçirilib.

               RTŞ-nin iclas zalında təşkil olunmuş konfransda təhsil işçiləri, müəllim və şagirdlər iştirak ediblər.

               Tədbirdə çıxış edənlər Azərbaycan xalqının qərəman oğlu, İkinci Dünya müharibəsi dövründə antifaşist müqavimət hərəkatının görkəmli nümayəndəsi Mehdi Hüseynzadənin şərəfli həyat yolu və qəhrəmanlıqlarından danışıb, Azərbaycan xalqının tarixin bütün dövrlərində belə igid övladlar yetirdiyini vurğulayıblar.

             Sonra Şəhər 3 nömrəli tam orta məktəbin IX sinif şagirdi İlahə Abbasova qəhrəmanın xatirəsini öz inşasında necə canlandırdığı haqqında məlumat verib.

               Sonda İnşa yazı və rəsm müsabiqəsinin qaliblərinə fəxri fərmanlar təqdim olunub.

             Qeyd edək ki, tədbir "M. Hüseynzadənin 100 illik yubileyinin keçirilməsi haqqında" Azərbaycan Respublikası təhsil nazirinin müvafiq əmrinə əsasən təşkil edilib.