Noyabrın 5-də Bərdə Rayon Təhsil Şöbəsi və Ali Neft Akademiyası Tələbə Gənclər Təşkilatının təşəbbüsü ilə “Xəyalımdakı gələcək” adlı seminar təşkil edilib.

              Akademik Z.Əliyeva adına məktəb-liseyin iclas zalında keçirilən tədbirdə Beynəlxalq dərəcəli neft mühəndisi  Pərviz Həsənov, Ali Neft Akademiyasının IV kurs tələbələri, Yetkinlik yaşına Çatmayanlarla Profilaktik İşin Təşkili qrupunun inspektoru, polis leytinantı Vüsalə Əzimova,  Rayon Təhsil Şöbəsinin əməkdaşları, rayonun ümumi təhsil məktəblərinin X və XI sinif şagirləri iştirak ediblər.

        Seminarda universitetin Tələbə Gənclər Təşkilatının üzvi, 2014-cü ildə Akademik Z.Əliyeva adlı məktəb-liseyi fərqlənmə ilə bitirən Arzu Həsənova tədbirdə iştirak edən şagirdləri salamlayaraq, seminarın mahiyyəti haqqında danışıb.

            Pərviz Həsənov şagirdlərin maraqla qarşıladığı seminarda uğur əldə etməyin yollarını müxtəlif üsullarla izah edib. Həmçinin, tədbirdə şagirdləri maraqlandıran videoçarxlar izlənilib, bu da seminarın marağını daha da artırıb.

              Sonda şagirdləri maraqlandıran suallar cavablandırılıb.