Noyabrın 8-də Bərdə RayonTəhsil Şöbəsi və rayon Gənclər və İdman idarəsinin birgə təşkilatçılığı ilə atletika üzrə “Məktəblər arası respublika çempionatı”nın rayon mərhələsi keçirilib.

          Yarışın ümumtəhsil məktəblərində bədən tərbiyəsi və idmanın şagirdlər arasında kütləviləşdirilməsi, məktəblərdə sağlam və aktiv həyat tərzinin təşviqi, ümumtəhsil müəssisələrində fiziki tərbiyə fənnin tədrisinin təkmilləşdirilməsi, idman sahəsində sinifdən xaric və məktəbdənkənar fəaliyyətlərin qiymətləndirilməsi, qalib məktəblərin beynəlxalq yarışlarda iştirakının təmin edilməsi  məqsədilə keçirilir.

            Yarışın atletika üzrə rayon mərhələsində 3 qız, 3 oğlan olmaqla 30 məktəbin komandası iştirak edib. Daha güclü olan Xanqaraqoyunlu kənd tam orta məktəbinin komandası I, şəhər 8 nömrəli tam orta məktəbin komandası II, Mirzalıbəyli kənd tam orta məktəbinin komandası isə III yerə layiq görülüb.

              Qalib gələn məktəb komandası rayonu aprel ayında keçiriləcək zona yarışlarında təmsil edəcək.