Kətəlparaq kənd tam orta məktəbdə “Riyaziyyat və informatika fənn aylığı”na həsr olunmuş “Riyaziyyat elmlərin şahıdır” adlı bədii gecə keçirilib.

             Gecədə Rayon Təhsil şöbəsinin nümayəndələri, valideynlər, məktəbin müəllim və şagird kollektivi iştirak ediblər.

            Tədbiri giriş sözü ilə açan məktəbin direktoru Adib Salmanov iştirakçıları salamlayaraq, tədbirin əhəmiyyətindən söz açıb və bildirib ki, “Riyaziyyat və informatika fənn aylığı” çərçivəsində məktəbdə müxtəlif müsabiqələr, açıq dərslər, sərgilər və dəyirmi masalar keçirilib.

           Sonra V və XI sinif şagirdləri tərəfindən riyaziyyata aid şeirlər, tapmacalar, məntiqi suallar və kəlamlar səsləndirilib, musiqi və rəqslər ifa edilib.

              Həmçinin şagirdlər arasında viktorina keçirilib. Qalib şagirdlər məktəb rəhbərliyi tərəfindən mükafatlandırılıb.