Dekabrın 20-də şəhər 7 nömrəli tam orta məktəbin akt zalında şair və yazıçıların həyat və yaradıcılığına həsr olunmuş “Danışan ilmələr“ adlı ədəbi-bədii gecə keçirilib.Tədbirdə məktəbin müəllim və şagird kollektivi və valideynlər iştirak ediblər.

           Məktəbin Azərbaycan dili və ədəbiyyat müəllimi Gülnarə Məmmədovanın təşkilatçılığı ilə təşkil olunmuş gecə şagirdlərin hazırladıqları maraqlı səhnəciklərlə yadda qalıb. Onların şair və yazıçıların həyat və yaradıcılıqları barədə topladıqları məlumat, hazırladıqları videoçarx  və kompazisiyalar müəllim, şagird və valideynlərin alqışları ilə qarşılanıb.

                 Tədbirin sonunda şagirdlər belə tədbirlərin təşkilində və keçirilməsində daha da fəal iştirak edəcəklərini bildiriblər. Məktəb rəhbərliyi və müəllimlər isə qeyd ediblər ki, belə tədbirlərin keçirilməsi şagirdlərin dünyagörüşünün formalaşdirilmasında, tariximizin yaşanmasında böyük əhəmiyyət kəsb edir.