Martın 28-də Kələntərli kənd tam orta məktəbin idman meydançasında Bərdə Rayon Təhsil Şöbəsi və rayon Gənclər və İdman İdarəsinin təşkilatçılığı ilə “Şahin” hərbi-idman oyununun rayon birinciliyinin final mərhələsi keçirilib.

          Finalda zona mərhələsinin qalibləri olmuş 6 komanda – akademik Z.Əliyeva adına məktəb-liseyin, şəhər 3 nömrəli, şəhər 5 nömrəli, Yeni Daşkənd, Qaradırnaq və Qazaxlar kənd tam orta məktəblərinin komandaları iştirak ediblər.

        I, II, III yerləri tutmuş və mərhələlərdə fərqlənmiş komandalar Bərdə rayon Gənclər və İdman idarəsinin müvafiq dərəcəli diplomları ilə təltif olunublar.

            Final mərhələsinin qalibi Y.Kərimov adına YeniDaşkənd kənd tam orta məktəbinin komandası aprel ayında Goranboy rayonunda keçiriləcək Respublika birinciliyinin zona mərhələsində iştirak etmək hüququ qazanıb.

        Qeyd edək ki, “Şahin” hərbi-idman oyununun keçirilməsində məqsəd böyüməkdə olan nəslin hərbi vətənpərvərlik tərbiyəsinə diqqət və qayğını daha da artırmaq, məktəb şagirdlərini hərbi-idman oyunlarına geniş cəlb etməklə onların ordu sıralarında xidmətə hazırlanmasına kömək göstərilməsindən ibarətdir.