04.10.2019

Biologiya müəllimi Şahirə Həsənova “Tərəqqi” medalına layiq görülüb

            Təhsil işçilərinin “Tərəqqi” medalı ilə təltif edilməsi haqqında  Azərbaycan Respublikası Prezidentinin Sərəncamına əsasən Bərdə şəhər 5 nömrəli tam orta məktəbinin biologiya müəllimi Şahirə Həsənova “Tərəqqi” medalına layiq görülüb. Şahirə Həsənova 18 ildir ki, pedaqoji fəaliyyətlə məşğul olur.

             Fəaliyyəti dövründə fənn olimpiadalarına hazırladığı şagirdlər yüksək nəticələr göstəriblər. Ş.Həsənova o cümlədən Təhsildə inkişaf və innovasiyalar üzrə lll qrant müsabiqəsində qalib olan "Təbiəti sevənlər" layihəsinin rəhbəridir.

              “Tərəqqi” medalına layiq görülən pedaqoq fikirlərini bizimlə bölüşdü:

         “Hər zaman çalışdığım sahədə yeniliklər etmək, yüksək nəticələrlə xatırlanmaq istəmişəm. Düşünürəm ki, əksər hallarda buna nail olmuşam. Şagirdlərimdə biologiya elminə olan hədsiz maraq bunun bariz nümunəsidir. Fəaliyyətimə yüksək qiymət verilməsi məni daha çox ruhlandırır. Etimad üçün təşəkkür edirəm”.


Açar sözlər: ,  ,