Azərbaycan Təhsil İşçiləri Azad Həmkarlar İttifaqı Ağcabədi rayon Komitəsinin sədri  Arzu xanım Niftalıyeva və sektorun əməkdaşları şəhidlər xiyabanına gələrək 2022-ci ilin sentyabr ayının 13-14-də Ermənistan ordusunun sərhədlərimizə hücumu zamanı Kəlbəcər istiqamətində gedən döyüşlərdə qəhrəmancasına şəhid olmuş Ağcabədi şəhər sakini Fərzəliyev Emin Elnur oğlunun məzarını ziyarət ediblər.

Şəhidin məzarı üstünə əklil və tər çiçəklər qoyulmuş, onun əziz xatirəsi ehtiramla yad edilib.

Əməkdaşlar həmçinin Azərbaycanın Müstəqilliyi və ərazi bütövlüyü uğrunda həlak olmuş və şəhidlər xiyabanında uyuyan bütün şəhidlərin məzarına çiçək dəstələri düzərək, onların da xatirəsini hörmətlə anmışlar.