Şuşa şəhər 1 nömrəli tam orta məktəbdə "Ümumtəhsil müəssisələrində İdman həftəsi" çərçivəsində İdman nailiyyətləri olan idmançılarla görüş keçirilib.

Şuşa rayon 8 nömrəli ümumi orta məktəbin fiziki tərbiyə müəllimi Mahir Talıbovun təşkilatçılığı ilə baş tutan görüşdə 100 ə yaxın şagird iştirak edib.

Maarifləndirmə xarakteri daşıyan görüşdə Yusif Hüseynli (Taekvondo), Rüfət Tağızadə (Cüdo), Fərid Ağayev (Karate) və Elşad Şərifov (Ağır Atletika) kimi dünya və avropa çempionatlarının qalib və mükafatçıları iştirak ediblər. İdmançılar şagirdlərlə öz idman fəaliyyətlərini bölüşüb, onlara sağlam həyat tərzinin təbliği fonunda tövsiyələr ediblər.

Mövzu ilə əlaqədar sağlam qidalanma, həmçinin narkomaniya və zərərli vərdişlərlə bağlı söhbət aparılıb.  Şagirdlərin sualları cavablandırıb. Sonda idmançılar və şagirdlərlə xatirə şəkli çəkdirilib.