Qarabağ Regional Təhsil İdarəsinin təşkilatçılığı ilə Bərdə şəhər 4 nömrəli tam orta məktəbdə təhsilverənlərin sertifikatlaşdırılması ilə bağlı məlumatverici görüş keçirilib.

Görüşdə idarənin əməkdaşları, Bərdə rayon ümumtəhsil məktəblərinin, həmçinin Bərdə rayon ərazisində yerləşən Şuşa və Ağdam rayon ümumtəhsil məktəblərinin Azərbaycan dili və ədəbiyyat, ibtidai sinif müəllimləri iştirak ediblər.

Təhsilverənlərin sertifikatlaşdırılma prosesi üçün nəzərdə tutulmuş qiymətləndirmə çərçivəsi, metodika və pedaqogika üzrə məzmun sahələri, sual sayı, bölmələr və mövzular barədə mütəxəssislər barədə məlumatlandırılıb.

Görüş müddətində dinləyiciləri maraqlandıran müxtəlif suallar cavablandırılıb.