Ağdam rayonu 71 nömrəli tam orta məktəbin direktoru Vasif Eyvazovun və "Aytam" Uşaqların Mədəni Maarifləndirilməsi İctimai Birliyinin birgə təşkilatçılığı ilə noyabrın 1-də məktəbin V-IX sinif şagirdləri Bakı şəhərində fəaliyyət göstərən "Yarat" Müasir İncəsənət mərkəzinin İçərişəhərdə yerləşən "Artım" Layihə Məkanında ekskursiyada olublar.

Burada nümayiş olunan gənc rəssamların əsərləri ilə , müasir texnologiya vasitəsi ilə​ incəsənətə fərqli yanaşma nümunələri ilə tanış olub və məkanda keçirilən intellektual oyunlarda iştirak ediblər.

Daha sonra şagirdlər həmçinin Miniatür kitab muzeyində ekskursiya edib​ burada nümayiş etdirilən müxtəlif kitabların miniatür nümunələri ilə tanış​ olublar.

Təşkilatçılığa görə 71 nömrəli tam orta məktəbin kollektivi və şagirdlər adından "Aytam" Uşaqların Mədəni Maarifləndirilməsi İctimai Birliyinə -​ şəxsən Aygün Zamanlıya , Miniatür kitab muzeyinin və Yarat Müasir İncəsənət Mərkəzinin rəhbərliklərinə və kollektivlərinə təşəkkürümüzü bildiririk.