Qarabağ Regional Təhsil İdarəsinin müdiri Sənan Mənsimli Ağdam rayonu üzrə təhsil sektorunun tabeliyində fəaliyyət göstərən təhsil müəssisələrinin rəhbərləri ilə Ağdam rayonu R.Məmmədov adına Mahrızlı kənd tam orta məktəbində görüş keçirib.

Görüşdən əvvəl məktəbin həyətində büstü ucaldılmış şəhid Məmmədov Rahib Gülmalı oğlunun büstü ziyarət edilib və önünə gül dəstələri düzülüb.

Görüşdə Ağdam rayonu üzrə təhsil sektorunun əməkdaşları və müəssisə rəhbərləri iştirak edib.

Tədrisin mövcud vəziyyəti, şagird nailiyyətlərinin ölçülməsi, şagird potensialının düzgün qiymətləndirilməsi, işə qəbul,  müəllimlərin etik davranış qaydaları, çalışmanın yaş həddinə çatan işçilərlə əmək müqaviləsi müddətinin tənzimlənməsi, dərnəklərin təşkili barədə danışılıb. 

Sənan Mənsimli təhsil müəssisələrində tədrisin keyfiyyət səviyyəsinin yüksəldilməsi, sağlam pedaqoji mühitin formalaşdırılması, nizam-intizam qaydalarına riayət edilməsi istiqamətində müvafiq tapşırıqlar verib. 

Görüşün sonunda təhsil işçilərini maraqlandıran suallar cavablandırılıb.