“Müəllimlərin etik davranış qaydaları”nın təsdiq edilməsi barədə Azərbaycan Respublikası təhsil nazirinin əmri
Azərbaycan Respublikası Prezidentinin 5 sentyabr 2012-ci il tarixli Sərəncamı ilə təsdiq edilmiş “Korrupsiyaya qarşı mübarizəyə dair 2012-2015-ci illər üçün Milli Fəaliyyət Planı”nın 21.3-cü bəndinin icrası istiqamətində Təhsil Nazirliyi tərəfindən hazırlanmış “Müəllimlərin etik davranış qaydaları”nın tətbiq edilməsi məqsədilə, “Azərbaycan Respublikasının Təhsil Nazirliyi haqqında Əsasnamə”nin 13.5-ci bəndini rəhbər tutaraq
ƏMR EDİRƏM:
1. “Müəllimlərin etik davranış qaydaları” təsdiq edilsin.
2. Azərbaycan Respublikasında fəaliyyət göstərən mülkiyyət növündən asılı olmayaraq bütün tipdən və növdən olan təhsil müəssisələrinin rəhbərləri müəllimlərin bu qaydalarla tanış olmasını və qaydalara riayət olunmasını təmin etsinlər.
3. İnformasiya şöbəsi (E.Əliyev) bu əmrin, “Müəllimlərin etik davranış qaydaları”nın “Azərbaycan müəllimi” qəzetində dərc olunmasını və Nazirliyin İnternet saytında yerləşdirilməsini təmin etsin.
4. Əmrin icrasına nəzarət nazir müavininə (C.Bayramov) həvalə edilsin.
Əsas: Aparat rəhbəri M.Eynullayevin təqdimatı.
Mikayıl CABBAROV,
Azərbaycan Respublikasının təhsil naziri
16 may 2014-cü il
№600
Xəbərlər
“Zəfər Çalmış Dövlətin Əsas Qanunu” adlı hüquq olimpiadası təşkil edilibMəktəbəqədər təhsil müəssisələrində tərbiyəçi-müəllimlərin yerdəyişməsi müsabiqəsinə başlanılır27 Sentyabr - Anım Günü ilə bağlı tədbirlər təşkil olunub“27 Sentyabr - Anım Günü” münasibətilə Şəhidlər Xiyabanını ziyarət edilibŞagird sayı 500-dək və direktor vəzifəsi vakant olan ümumi təhsil müəssisələrinə işə qəbul üzrə müsabiqənə start verilir Bütün xəbərlər
